Menning og listir

 

 

 

 

 

 

Laugardaginn 23. janúar var opnuð sýningin Hraun og mynd í aðalsal Hafnarborgar með ný olíu- og vatnslitaverk eftir hafnfirska listamanninn Kristberg Ó. Pétursson.

Kristbergur Ó. Pétursson (f. 1962) hefur helgað sig að mestu málaralist allt frá upphafi níunda áratugarins. Hann kom fyrst fram sem hluti af bylgju listmálara sem kenndir eru við nýja-málverkið, kraftmikið málverk sem ögraði og braut hefðir. Kristbergur hefur þróað list sína í átt að hinu óhlutbundna þar sem litaflæði og andrúm sækja í oft myrkar náttúrustemmur og drunga en myndefnið er oftar en ekki hrjóstrugt hraunlandslagið í og umhverfis heimabæ hans, Hafnarfjörð. Sérhver mynd er þolinmæðisverk, þar sem Kristbergur leggur hvert olíulagið ofan á annað í samræmi við áferð og birtu verkanna. Áferðarríkur og dimmleitur flöturinn verður eins og ævagamall og hálfgagnsær hamur eða hlífðarlag utan um lifandi innviði. Eftir margra áratuga samneyti við hraunið í heimabyggð má segja að það móti í flestu viðhorf hans til náttúru og heimsmyndar. (Úr kynningu Hafnarborgar)

 Ég ræddi við Kristberg við opnunina og er viðtalið hér að neðan, en það er einnig að finna í fyrsta þætti Menningarsamfélagsins, nýs þáttar um menningu og listir hér á netsamfelag.is.

 -Halldór Árni.